Cism-i sad-çâküm görinmez oldı yâre yâreden
Yaradupdur yaradan ben zârı benzer yâreden
Keştî-i cânı salup deryâ-yı ‘ışka şimdi dil
Sâhil-i zülfe çıkup âlet onarur karadan
Cûşum andum ‘ışk ile girdâb dönderdi yüzin
Bahse çekdüm nâlede dolâb dönderdi yüzin
Na’lçen mihrâb idindi âsitânun secde-gâh
Âsumândan mihr-i ‘âlem-tâb dönderdi yüzin
Dâgum derûn-ı dilde benüm gûne gûnedür
Sînemde kanlu dâg hemân bir nümûnedür
Taşdı bulandı ‘ışk ile yine deli gönül
Evvel bahârda sanasın cûy-ı Tunadur
Dikkate döymez güneş ey mâh hüsnüne nazar
Bunı günden rûşen anlar kimde kim ola nazar
Şöyle benzer hizmete tutdun gün ile ay ile
Mihr ü meh gitmez kapundan gice gündüz bir nazar
Dilâ gerd-i ruh-ı yârı hat-ı ‘anber-feşân tutdı
Diyâr-ı Rûmı tevkî’-ı Süleymân-ı zemân tutdı
Hevâ-yı kaddün ile serv iderdi bâgdan reftâr
Çeküp zencîre anı yetişüp âb-ı revân tutdı
Dilde ‘ışkunla dâg yandurdum
Yine ben bir çerâg uyandurdum
Yâr sevmez dimiş beni cândan
Cân virüp yolına inandurdum
Dimâg-ı cânı müşk-âsâ pür eyler bûy ser-tâ-ser
Kesilmişdür göbegi nâfe ile zülfünün benzer
Yeter zülf-i ‘arak-rîzün devâ-yı ser gıdâ-yı rûh
Gül-âb itsün sudâ’ı ref’ götürsün kokı ‘anber
Dinlemez çün cân kulagıyla figânın bülbülün
Kulagına kurşun aksa jâleden tan mı gülün
Niçe dil cânbâzı her târında cân per-tâb ider
Câna kalmaz rîsmânîdür meger ki kâkülün
Pâdişâh-ı ‘Âlem-penâh Hullidet Hılâfetuhu Hazretlerine
Döymeyüp subh-ı tecellîde dem-i dîdâra gül
Tûr-ı Mûsâ gibi kendin itdi pâre pâre gül
Subh-dem dem urmasa sırr-ı Ene’l-hakdan eger
El hilâl-i ‘ıyd gözler ol seg-i dîvâne-vâr
Atun izine ırakdan rûy-mâl üstindedür
N’ola ger ölmezden evvel ölse erbâb-ı kaza
Müddet eksülmekde vü ‘ömr intikâl üstindedür
Bu şaire henüz hiç kimse yorum yapmadı. İlk yorum yapan sen ol!