Tevlîhev Şiiri - Hüseyin Aslanhan

Xewa min nayê
Hişê min tevlîhev bûye
Ne cixare dibe hevaltî
Ne jî bêdengî

Aciz bûme ji jiyanê
Ji hemû kes û dewranê
Axx û axx
Hewar û hewar

Fikr û raman xewn û xeyal
Hemû bûne tevlîhev
Hemû bûne wek hev
Borî û niha û pêşeroj
Wek gurê devbixwîn dorpeç dikin ev hişê min
Acizî û êş û gûman
Wek marek kor bi dizî dixwin dilê min

Şev şeva tarî
Sar û bêdeng û bitirsî
Roj roja ronî
Germ û coş û bikenî
Derê zû derê
Ronî bike ev laşê minê gemar
Û ev rihê minê bêwar

Heke dereng bîmine ew rûyê te yê şad û bextewar
Êdî tu car ewê te nebîne
Ev hêvîdar
Ev bendewar...