Derew Şiiri - Hüseyin Aslanhan

Jiyanek derew dijîm wek xewnek
Di hundirê wî de kesên lîstîkvan
û xaponîkên ehmeq henin

Rastî di peyvê de ma ye
xweşikî di çavê de ma ye

Îman nayê dîtin
başî nayê bihîstin

Hevaltî bûye facetî
evîndarî bûye fehşîtî

Nas û meriv xerîb kirine
dê û bav mêvan kirine

Pereye kirinin xwedayê xwe
pîrek e kirinin Qibleyê xwe

Ciwan forsek û tirdonek in
rêber nezan û dizek in

Hunermend in ewê serxweş û keşmer
rewşenbîr in ewê ehmek û ker

Belê dibînim van dek û derewan
dîsa jî bawer im ji van her du nirxan

Navê yekî Xwedan e
ê din jî Kurdistan e...