Min porê te
Li ser tiliya şaneşîn
Di nav hilweşîna kevneşopên stûxwar
Bi awirên strana Derwêşê Evdî
_______________________Da ber bê
Min lêvên te
Di galegala kenê teyî tawanbar de
Bi livên teyî ku min vedixwarin
Çargavî li xwezaya rûyê te
___________________Bi lêvên xwe mist da
Min çavên te
Li oxîna desmala sor
Li xaviya pêjna kor
Tev xweşava ji keremê
__________________Da ber weywayê
Min gewherên te
Li qeraxa taviyên nakok
Li lêdanên ku zêrên pûç vedixwarin
Bi çilkên rojiya rehjenê
_________________Xêz kir li valahiyê
Min roniya te
Ji Nîşabûrê
Ji wê meşê hey stranê
Li rêça dildariya rodî
________________Rêş kir ji kûçeyên qîr
Kayıt Tarihi : 29.04.2004 23:30:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
