Baki Şiirleri - Şair Baki

- I -

Râyet-i fitne çeküp ol kad-i dil-cû begler
Uşdılar yanına her şûh-ı cefâ-hû begler
Bir yire geldi nice gamzesi câdû begler

- I -
Ne mümkindür nazar bir lahza hüsn-i tal’at-i yâre
Degül çünkim müyesser lem’a-i hürşîde nezzâre
Gubâr-ı dergehin kühl itmedin çeşm-i güher-bâre

Nice tâkat getürsin çeşm-i ‘âşık rûy-ı dil-dâre

- I -

Ey cemâlüñ pertev-i envâr-ı subh-ı lem-yezel
Berter olsa menzilüñ hûrşîd-i enverden mahal
Sende göstermiş kemâl-i sun’ın Üstâd-ı ezel

-I-
Câme-i sıhhat Hudâdan halka bir hıl’at gibi
Bir libâs-ı fâhir olmaz cisme ol kisvet gibi
Var iken baht u sa’âdet kuvvet ü kudret gibi

Halk içinde mu’teber bir nesne yok devlet gibi

Tâ’ib itdi nice zamân Tevvâb
Yirümüz oldı mescid ü mihrâb

Ola kim bâb-ı meykede açıla
Diyelüm yâ Müfettihe’l-ebvâb

Tâli’ oldı neyyir-i ikbâl ü devlet subh-dem
Şu’le saldı ‘âleme necm-i hidâyet subh-dem

Kâ’inâtı kıldı mir’ât-ı cemâl-i Şâhdan
Gark-ı envâr-ı hidâyet Rabb-i ‘izzet subh-dem

Terk-i dünyî-i denî halka tedennî görinür
Çeşm-i ‘uşşâka ne dünyî vü ne ‘ukbî görinür

Sînesin itse kaçan kân-ı ma’ârif ‘ârif
Kılsa her harfe nazar bir nice ma’nî görinür

Tîguñ içürdi düşmene zahm-ı zebânları
Bahs itmez oldı kimse kesildi lisânları

Gördi nihâl-i serv-i ser-efrâz-ı nîzeñi
Ser-keşlik adın anmadı bir dahı bânları

Tîr-i gam-ı nigâr ile ten yara yaradur
Şemşîr-i cevr-i yâr ile dil pâre pâredür

Öykünse haddüñe ne gam ey âfıtâb-ı hüsn
Mâh-ı sipihr kemdür o ne yüzi karadur

Turmaz yanumda hançerini vasf ider nigâr
Ya’nî baña tokındurur ol şûh-ı şîvekâr

Gâyetde teşne idi göñül âb-ı vasluña
Susızlıgını kesdi o şemşîr-i âbdâr