Tanrıya iltimas Şiiri - Sevinc Arzulu

TANRIYA

Vüsal yalqız sozalıbdır,
Aynasını toz alıbdır.
Təkcə sənə uzanıbdır,
Nolar, götür əllərimi.

Göz yaşından bezməyirəm,
Gül-çiçəyi sezməyirəm.
Ayrılığa dözməyirəm,
Mənə yetir ellərimi.

Qarlı qış günlərin sayır,
Yaşıllaşar çəmən-çayır,
Üz-gözümə külək yayır,
Mənim çətir tellərimi.

Həsrət, hicranına yetmə,
Sevdam, gözlərimdən getmə.
Başım üstdən əskik etmə,
Minbir ətir yellərimi.

Dağa qalxar yol, varıram,
Daşlıqdır sağ-sol, varıram.
Tanrım, sənə yalvarıram,
Geri gətir illərimi.
16.10.2018