Zamanın gözünə ayna həyatım,
Oduna-közünə oynar həyatım.
Elə öz-özünə qaynar həyatım,
Bu zalım dünyanın ocaq çağında.
Uzağam zəhərin ziyan anından,
Sazağam qəhərin biyabanından.
Yol salıb şəhərin xiyabanından,
Keçdim gəncliyimin qoçaq çağından.
Səslərəm, hayıma heç dünüm yetmir,
Kitabın sonuna bir günüm yetmir.
Nə əlim çatmayır, nə ünüm yetmir,
Neynəyim ömrümün qoca çağında.
Kayıt Tarihi : 18.10.2019 16:10:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!