Gelhagel olar Şiiri - Sevinc Arzulu

Sadəlikdən aliliyə yol gedər,
Addımlarım gah sağ, gah da sol gedər.
Qapımızdan qapınıza qol gedər,
Sonda hesab yəqin bərabər olar.

Açılıb da pəncərənin önündə.
Qızılgüllər saçılıb ad günündə.
Ay əzizim, sənin toy-düyünündə,
Yeyib-içmək boydan, sərasər olar.

Varmı görən həsrətindən betəri,
Qapın açıq, boylanmışam ötəri.
Eh, bu qədər kasıbçılıq yetəri,
Bir gün gələr, yaman gəlhagəl olar.