Ay ata Şiiri - Sevinc Arzulu

Nəvələrin gülüşündən doymayan,
Duruşundan,yerişindən doymayan.
Bu dünyanın gərdişindən doymayan,
Nə tez getdin bu dünyadan,ay ata.

Sonbeşiyin toy-büsatın görmədin,
Artıq-əskik danışmadın.gülmədin.
Son sözünü,söhbətini demədin,
Nə tez getdin bu dünyadan,ay ata.

Bundan sonra görünəcəkdir yerin,
Pir olacaq bizə müqəddəs qəbrin.
Tükənir taqətim,tükənir səbrim,
Nə tez getdin bu dünyadan.ay ata.