Zamandan Üstün Şair Şiiri - Seyraqif Coculu

ZAMANDAN ÜSTÜN ŞAİR

Arxa dur zamandan üstün şairə,
Dərdinin üstündə dərd oynamasın.
Elin taleyini qoyub hərraca,
Nadanlar zər atıb, nərd oynamasın.

Nəmard körpüsündən mərdi keçirmə,
Tərlan oylağında Sarı uçurma,
Ovçu tulasını gözdən qaçırma,
Namərdin önündə mərd oynamasın.

Şeytanın felinə ağıl uymasın,
Bir el öz başına iblis qoymasın,
Xalqın sərvətini aclar soymasın,
lələ köç eyləyib, yurd oynamasın.

Obalar tərpənib çıxarsa yola,
Gedən köç bir daha qayıtmır dala,
Millətin başına gələndə bəla,
Çaqqallar ulaşıb, qurd oynamasın.

Atəş düşsə oz yerini yandırar,
Ay Coculu , leysan yağsa söndürər,
El bir olsa “Zərbi Kərən” sındırar,
Meydanda tək qalıb fərd oynamasın.