Sewda Dilê Me Şiiri - Mehmet Çobanoğlu

Welatê me bi xwînê ve şûştî ye
Welatê me ji me re derman bûye
Şefeqa sibê welat me xemiland
Welatê me gelan re bi can bûye

​Welatê Kurdan Kurdan re bihuşt bû
Bi gul kulîlkan jî me re rengîn bû
Keçên wî zane ne xortên wî jîrîn
Warê me pir xweş e, me re havîn bû

​Sewda me, sewda me, sewda dilê me
War gulan, gulistan, welat eşqa me
Cîh û wergahê Kurdan e bi welat
Warê me bû axa kal û bavê me

​Welatê me Kurdan, germa dilan e
Ew gul e kulîlk e, me re dîlane
Welatê me xweş e, wek şekir û şîr
Roja azadiyê tê şada gelan e

​Havîn e, bihar e, warê gulan e
Welatê me axa şêr û merdane
Roja azadiyê tê şada gelan e
Ronî bû siba me, bo me dîlanan e

​Ax ji min re can e, ew eşqa me ye
Axa me kevnare, ew dinya me ye
Roja azadiyê bi şada gelan e
Ronî bû siba me, bo me dîlanan e

​Ev ax, axa me ye, ji bo me can e
Bila her bijî ew eşqa dilan e
Roja azadiyê tê şada gelan e
Ronî bû siba me, bo me dîlanan e

Mehmet Çobanoglu
20.09.2026
Gürpınar