Ol melek-sima Şiiri - Şair Hayali 2

Şair Hayali 2
58

ŞİİR


1

TAKİPÇİ

Ol melek-sima

Ol melek-sîmâ perî kim benzemez insân aña
Cân ile dilden fedâ olsun hezârân cân aña

Ey felek dervâzesin açma dem-i subhun sakın
Bir gece ger sarılam ben hasta-dil uryân aña

Gerdenine hâleyi tavk eyledi uşşâk-vâr
Boynu baglı bir kul olmuştur meh-i tâbân aña

Gülşen-i derdin nihâlidir bu cism-i nâ-tüvân
Meyvedir bagrım başı berg oldu her peykân aña

Gördü ekdim mezra’ı dilde mahabbet dânesin
Dûd u âhım ebr olup yagdırdı çok bârân aña

Dâg-ı gamdan rûyu hûn-âlûdedir cismim gibi
Âşık olmuştur meger kim lâle-i Nu'mân aña

Yâr hecriyle Hayâlî şöyle mûnis oldu kim
Rûz-ı vuslat gibi olmuştur şeb-i hicrân aña

Şair Hayali 2
Kayıt Tarihi : 9.8.2018 02:17:00
Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!