Kültür Sanat Edebiyat Şiir

Ümraniye Belediyesi Şiir Yarışması
  • erkan mutlu05.01.2004 - 20:22

    yeşil popçu.

  • hz.muhammed28.12.2003 - 22:06

    SU KASÎDESİ

    (Na’t-ı Hazret-i Nebevi)


    Saçma ey göz eşkten gönlümdeki odlare su
    Kim bu denli tutuşan odlare kılmaz çare su

    Âb-gûndur günbed-i devvar rengi bilmezem
    Ya muhît olmuş gözümden günbed-i devvare su

    Zevk-i tiginden aceb yok olsa gönlüm çak çak
    Kim mürur ilen bırakır rahneler divare su

    Suya versin bağban gülzari zahmet çekmesin
    Bir gül açılmaz yüzün tek verse bin gülzare su

    Ohsa da bilmez gubarini muhharir hattına
    Hame tek bakmaktan inse gözlerine kare su

    Arızın yadıyle nem-nak olsa müjganım nola
    Zayi olmaz gül temennasiyle vermek hare su

    Hayret ilen parmağın dişler kim etse istima
    Parmağından verdiği şiddet günü Ensar’e su

    Eylemiş her katreden bin bahr-i rahmet mevchiz
    El sunup urgaç vuzu için gül-i ruhsare su

    Hâk-i payine yetem der ömrlerdir muttasıl
    Başını taştan taşa urup gezer avare su

    Zerre zerre hâk-i dergâhına ister sala nûr
    Dönmez ol dergâhtan ger olsa pâre pâre su

    Zikr-i na’tın virdini derman bilir ehl-i hatâ
    Eyle kim def’-i humar için içer meyhâre su

    Yâ Habibu’llah yâ hayru’l-beşer müstâkinim
    Eyle kim leb-tesneler yanıp diler hemvâre su

    Sensin ol bahr-i keramet kim şeb-i Mirâc’da
    Şebnem-i feyzin yetirmiş sâbit-ü seyyâre su

    Bîm-i dûzah nâr-i gam salmış dil-i sûzânıma
    Var ümîdim ebr-i ihsânın sepe ol nâre su

    Yümn-i na’tinden güher olmuş Fuzûli sözleri
    Ebr-i nîsandan dönen tek lü’lü-i şehvâre su

    Hâb-i gafletten olan bîdâr olanda rûz-i hasr
    Hâb-i hasretten dökende dîde-i bîdâre su

    Umduğum oldur ki Rûz-i Haşr mahrûm olmayam
    Çeşme-i vaslin vere ben teşne-i dîdâre su

    Gam günü etme dil-i bîmârdan tigin dirig
    Hayrdir vermek karanu gecede bîmâre su

    İşte peykânin gönül hecrinde şevkim sâkin et
    Susuzum bir kez bu sahrâda benim’çün ara su

    Ben lebin müstâkiyim zühhâd kevser tâlibi
    Nitekim meste mey içmek hoş gelir husyâre su

    Ravza-i kûyuna her dem durmayıp eyler güzâr
    Aşık olmuş gâliba ol serv-i hoş-reftare su

    Su yolun ol kûydan toprag olup tutsam gerek
    Çün rakîbimdir dahi ol kûya koyman vâre su

    Dest-busi arzusiyle ger ölsem dostlar
    Kûze eylen topragım sunun anınla yâre su

    İçmek ister bölübülün kanin meger bir reng ile
    Gül budagının mizâcına gire kurtare su

    Tînet-i pâkini rûşen kılmış ehl-i âleme
    İktida kılmış tarîk-i Ahmed-i Muhtâr’e su

    Seyyid-i nev’-i beşer deryâ-yi dürr-i istifâ
    Kim sepiptir mu’cizâti âteş-i esrâre su

    Kılmak için tâze gül-zâr-i nübüvvet revnâkın
    Mu’cizinden eylemiş izhâr seng-i hâre su

    Mu’cizi bir bahr-i bî-pâyân imiş âlemde kim
    Yetmiş andan bin bin âteş-hâne-i küffâre su

    FUZÛLÎ