Kar etmişim Şiiri - Sevinc Arzulu

Həsrətin dadın görüb mən hey ahu-zar etmişəm,
Zillətin adın görüb göz yaşımı qar etmişəm.

Əzizim, sən olduğun ətirli, solmaz gülşəndə
Özümü bir qızılgül, əğyarımı xar etmişəm.

Niyə məndən incik də düşüb ümid-xəyallarım,
Keçirdib mən həyata, əbədiyyən var etmişəm.

Bilirəm, ağlar könül.yaralısan, qanın axır
Dəli tək sevdiyimi özgəsinə yar etmişəm.

Açmadım ürəyimi. dedim özgələr nə deyər
Utanıb-qızarmışam, dost-tanışdan ar etmişəm.

Telimi dağıtsa da coşqun küləklər sayağı,
Vüsalın naləsinə qulağımı kar etmişəm.