Gül çelengi Şiiri - Sevinc Arzulu

Çaldırdığım havaya,
Kimlər oynayacaqdır.
Yayılacaq dünyaya.
Yatan oyanacaqdır.

Ümid sonda ölürmü?
Belə deyib atalar.
Kədər qəmi bölürmü?
Pislər dərdə batalar.

Oyandığım yuxuda,
Bir sən vardın, bir də mən.
Burdur məni qorxudan,
Qızardı yaşıl çəmən.

Nə deyirsən, əzizim.
Röya tərs yozularmı.
Sarı qumda əl izin,
Dalğadan pozularmı.

Mənim nə çəkdiyimi,
Yuxarıdan görürsən.
Hiss edib təkliyimi,
Gül çələngi hörürsən.