Dengê Dilê Min Şiiri - Mehmet Çobanoğlu

Dengê dilê min dengekî zize,
Wârê dilê min warê xemane;
Ax û wax kesera min pir kûre!
Derdê min dîsa çiloçepo ye.

Bendê nav pişta min zehf zirave,
Barê min giran,rêya min dûre…
Salan û rojane ez dimeşim!
Av û kanî ser min miçiqîn dîsa.

Ev êşa dilê min pir girane,
Dermanê min jî ax’a welat e,
Heta roja azadîya gelan …
Wârê dilê min warê xemane.

Fedi bike! lêlê dayıka min,
Ka keskesora ser ezmanê me?
Dilê min jî ala me daxawze;
Gul û kîlilkên me beybûnên me jî.

Nav dil û mêjiyên min de welate,
Azadî jî li bo me xelate!
Bêwar û bêwelatî wek mirinê ye,
Ez dinalim mîna bilbêlên bêgul.

Dengê dilê min dengekî zize,
Dilê min de jî mij û morane…
Ez jî li vê xerîbîyê digirîm,
Nav dilê min de kesera welate.

08.08.2010.
Yildirim