Ayn U Ebru Mescid U Mihrab U Minberdir Bana

Ayn u ebru mescid u mihrab u minberdir bana,
Secdegahım kıble-i didar-ı dilberdir bana.

Hal-i ruhsarın imiş maksad hacerü’l-esvadden,
Şükür kim yüz sürmeğim her dem müyessirdir bana.

Ay yüzü ve’ş-şems hattın vel-kamer ayetleri,
Ruz u şeb çeşmimde nur-ı mehter-i enverdir bana.

Gülşen-i adn içre tuba-yı hakikatdir kadin,
Her nihal-i nahl-ı ni’emin vaslı hoşterdir bana.

Talib-i cam-ı behiştim sun lebin kandır beni,
La’l-i nabın şerbeti sahba-yı kevserdir bana.

Zülf ü gamzen arasında can u dil gidip gelir,
Her taraf umre tek bir haccü’l-ekberdir bana.

Ka’be didarının müştakı olmuşdur gönül,
Hilmiya gel tut delil-i aşkı rehberdir bana.