Yuyuram Şiiri - Sevinc Arzulu

Geyinmişik,süslənmişik dənizdən,
Astarlanıb üzlənmişik dənizdən.
Ikimiz də gizlənmişik dənizdə,
Günah məni,mən günahı yuyuram.

Zirvədəncə süzülürsən çənim tək,
Tellərimə düzülürsən dənim tək.
Bilirəm ki üzülürsən mənim tək,
Kal səsində hər gün ahı duyuram,

Daş zindana dönüb indi taxta taxt,
Üstündəcə donub qalıb laxta baxt.
Pahatlığın pozmaram ki başqa vaxt,
Dar günümdə ol pənahı buyuram.