Yox oldum Şiiri - Sevinc Arzulu

Sevinc Arzulu
2492

ŞİİR


10

TAKİPÇİ

Yox oldum

Azıb məhəbbətin ənginliyində,
Gedərək yox oldum,yox oldum,Allah.
Bezib ayrılığın zənginliyindən,
Həsrətə, hicrana tox oldum, Allah

Sənə addımlaram mən zaman-zaman,
Görüşsək Tanrıya xoş olacaqdır.
Daha inləmərəm mən kaman-kaman,
Vüsalın həsrəti boş olacaqdır.

Baxmadım varına, imkanına da,
Ömür yoldaşımı seçib getmişəm.
Gördüyün ayrılıq məkanına da,
Elə bu körpüdən keçib getmişəm.

Daha hicranın da şəst ilə durub,
Özünü ağıllı sanmayacaqdır.
Həsrətin yenə də yaman qudurub,
Yalançı olduğun danmayacaqdır.

Ayrılıq dərsini tez unudubdur,
Qılıncı qınından sıyrılmayacaq.
Əllərin əlimdən bərk-bərk tutubdur,
Sanıram bir daha ayrılmayacaq.

Sevinc Arzulu
Kayıt Tarihi : 1.11.2019 15:34:00
Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!