Yetermi Şiiri - Sevinc Arzulu

Bircə an bəs edər yovuşmaq üçün,
Sirrini-sözünü qonuşmaq üçün.
Sakit okeana qovuşmaq üçün,
Dənizdən dənizə axmaq yetərmi.

Dünyada ədalət deyilən şey var,
Yaxşı ki vəslinə yetişmədi xar.
Görünsə gözünə alagözlü yar,
Kənardan kənara baxmaq yetərmi.

Səadət uzağa gedən qatarsa,
Məhəbbət qaçıb da ona çatarsa.
Günün ortasında günəş batarsa,
Göydə şimşək kimi çaxmaq yetərmi.

Yaman darıxıram yağacaq qarçun,
Hərdənbir səslənən kamançun, tarçun.
Dünyasın dəyişən bietibarçun,
Köksünə qərənfil taxmaq yetərmi.

Həsrətin gəlmişdi mənlə qalmağa,
Vüsalı əbədi əldən almağa.
Ayrılıq zalımdan qisas almağa,
Yer-göyü yandırıb yaxmaq yetərmi.