Xezermisen Şiiri - Sevinc Arzulu

Çən əskik olmur düzümdən,
Gecəm fərqli gündüzümdən.
Çəkilmirsən heç üzümdən,
Baxışmısan,nəzərmisən.

Unutmazsan ki sən məni,
Gizlədəməz ki çən məni.
Bu dağları,çol-çəməni.
Gülüm,mənsiz gəzərsənmi.

Baxma mənə ögey-ögey,
Göy rəngində libaslar gey.
Gözlər sular kimi göm-göy,
Söylə,dəli Xəzərmisən.

Sönməz sevginin odları,
Yazılı qəlbin notları.
Yollunu kəsən otları.
Tapdalayıb əzərmisən.

Sevinc gözəl qönçə,gülüm.
Qəlbin açar öncə,gülüm.
Mənim üçün xonça,gülüm
Ad günümdə bəzərmisən.