Xabûrê Şiiri - Cigerxwîn

Cigerxwîn
55

ŞİİR


24

TAKİPÇİ

Xabûrê

Ey Xabûr, Xabûr, ey Xabûr, Xabûr
Wek daxwaza min, pir dirêj û kûr

Kêferata te, xum xum, û lew, lew
Nayên bîra te ne razan, ne xew

Herdem dinalî, bi qirîn, gazî
Lê kes nizanî, ka çi dixwazî?

Armanca te ye, xurtî, pêşveçûn
Cihê te tenge, divê firehbûn

Pêlan didî xwe, qîr û firyadî
Tu jî wekî min divê azadî

Sînga vê erdê te çirand bi zor
Nizanim çira tu naçî berjor?

Ev çende xurtî, bê daxwaz û vîn
Dikevî sînga Derya bê evîn

Xwezka min bi te, bê derd û bê kul
Dijî bi şadî, bê mejî û dil

Tu jî weke min, ger bibûna kurd
Ev xurtiya te dibû kul û derd.

Cigerxwîn

Cigerxwîn
Kayıt Tarihi : 7.3.2005 16:38:00
Yıldız Yıldız Yıldız Yıldız Yıldız Şiiri Değerlendir
Cigerxwîn