Vesli nigar Şiiri - Sevinc Arzulu

Demə hər yoldan ötən aşiqə sən sevgili yar,
Dönübən diqqət ilə bax üzünə: sevgimi var.
Gecələr sübhə qədər fikr edirsən, yatammırsan.
Belə aşiqmi olar, çoxdan edib sevgini xar.

Sandın ömrün baharı keçəcəkdir fəsli-nigar.
Bir dəfə çağırmadı səni:şirin səsli nigar.
Səd heyf nə arzuna, nə kamına çatammırsan,
Yox imiş qismətində gülüm sənin vəsli-nigar.

Bir zaman dildə idi şux yerişin, qədd-qamətin,
Yamanca qocalmısan,yeriyirsən indi çətin.
Ilğım təkin görünən vüsalına çatammırsan,
Eybi yox, dərd eyləmə yaşa ömrü məğrur, mətin.