Uzun yol Şiiri - Sevinc Arzulu

Baxma qara güzgülərə,
Üzündəki cizgilərə.
Nə oldu ki özgələrə,
Olan mənə oldu, qardaş.

Deyən yenə kəm xanası,
Köçüb getdi həmxanası.
Nalə çəkir qəmxanası,
Ala gözlər doldu, qardaş.

Insan ruhuyla tanına,
Sevgi işlər al qanına.
Düşdü ömrün boranına,
Gül açmamış soldu, qardaş.

Sərt qayalar çapılmazkən,
Üstündə yurd yapılmazkən,
Şirin meyvə tapılmazkən,
Tumturş alça boldu, qardaş.

Dərdi başdan atammıram,
Fərəhimə qatammıram
Hey gedirəm,çatammıram,
Bu yol uzun yoldu, qardaş.