Ucuz ölümmmüş Şiiri - Sevinc Arzulu

Sən demə bu eşqin axırı yoxmuş,
Şirin düyğusundan ağrısı çoxmuş.
Sənsizlik həsrəti zəhərli oxmuş,
Qəlbimdən necə də qara qan axdı,
Həsrətdən göylərdə ildırım çaxdı.

Nə edək,yetmədik şirin vüsala,
Yolumuz tez düşdü susuz qumsala.
Çətin fərəh yolun bizlərdən sala,
Daha görüşmərik bu dünyada biz,
Qəm-kədər bir dəniz,kiçik ada biz.

Xəyal atın röyalarda çapardım,
Vüsalını təkcə orda tapardım.
Gedişinlə ürəyimi apardın,
Mənə qalan təkcə qanlı gölümmüş,
Bu sevginin sonu ücüz ölümmüş.