Tekbetek qalmışam Şiiri - Sevinc Arzulu

Qapqara libasda, biçimdəyəm mən,
Qurtarmaq bilməyən biçindəyəm mən.
Sanıram,ovcunun içindəyəm mən,
Həsrət ilə lap təkbətək qalmışam.

Sözümü anlamaz ani qırımdan,
Neçə yol əlindən salıb qırıb da.
Qədrini bilmədi bircə qırıq da,
Verdiyim könlü də geri almışam.

Taleyimi belə yazıb yaradan,
Uzaq düşməm şeir adlı dünyadan.
Oyanamam belə dadlı röyadan,
Əbədilik bal xəyala dalmışam.