Te Ez Helandim Dîlberê Şiiri - Fikri Amedi

Lê dilberê berx û xezal
Çav belekê bi şan û xal
Dil û cîger xewn û xeyal
Te ez helandım dîlberê

Kezîyên sor çavên belek
Bijang û ebruyên xelek
Ruh û dil da horî melek
Te ez helandim dîlberê
Ji hesreta wan lêvê sor
Bume gêj û nexweş û kor
Ketîye goşt û hestîyê min çor
Te ez helandim dîlberê

Dîlberê bulbila bexçan
Agir û pizotê dilan
Mîsk û embera kulîlkan
Te ez helandim dîlberê

Pêxwas berfe tu jî tavî
Dilê nexweş ra hinavî
Lêvê zuha ra tasek avî
Te ez helandim dîlberê

FİKRİ AMEDİ