Sökülmez ilmesi Şiiri - Sevinc Arzulu

Göz yaşları billur-billur,
Parıltısı qamaşdırır.
Yenə ucadadır qürur,
Vəsli mənə yaraşdırır.

Sona qədər addımlarıq,
Vüsal ilə birgə, gülüm.
Biz xara yad adamlarıq,
Öndə neçə cərgə, gülüm.

Eh, bəzən də intizarın,
Halına da acıyırıq.
Yerə düşər dərd-əzabım,
Səpələnər qırıq-qırıq.

O qırığın hər zərrəsi,
Gün altında işıq saçar.
Gözəl olmaz mənzərəsi,
Həsrət baş götürüb qaçar.

Nə hicranın,nə həsrətin,
Üzü bəri üzükməsin.
Yaşa dolub məhəbbətim,
Daha sökülməz ilməsi.