Şeir xanası Şiiri - Sevinc Arzulu

Gözəl aç hər səhəri,
Qov içindən qəhəri.
Dünyanın bəxtəvəri,
Dörd uşaq anasısan.

Nəğmə yatar ünündə,
Mənalıdır günün də.
Şagirdlərin önündə,
Şam kimi yanasısan.

Şeir içində azaq,
Yaxın gəlməsin sazaq.
Məktəbdən düşsən uzaq,
Soyuqdan donasısan.

Belə gəlibdir devr,
Pulu başına çevir.
Biri hekayə sevir,
Sən şeir xanasısan.

Müəllim tək özəlsən,
Söylə şeir, qəzəl sən.
Əvvəlki tək gözəlsən,
Sonalar sonasısan.