Şaşırır meni Şiiri - Sevinc Arzulu

Rəqib minbir plan qursun,
Xain tək arxamdan vursun.
Günəş məndən uzaq dursun,
İstisi bişirir məni.

Yada salıb mürvətini,
Gizlətmirəm heyrətimi.
Etmə, lütfən, qeybətimi,
Gözlərdən düşürür məni.

Ədalət var haqq səsində,
Təmizlik saf nəfəsində.
Dura bilməm zirvəsində,
Qayalar aşırır məni.

Sevdamı kəc süzəmmirəm,
Yoluna daş düzəmmirəm.
Göy sularda üzəmmirəm,
Dalğalar daşırır məni.

Göy səmaya ucalmışam,
Ay-ulduzdan bac almışam.
Deyəsən çox qocalmışam,
Görənlər şaşırır məni,