Şahane gülüm Şiiri - Sevinc Arzulu

Niyə istəyirsən unudum səni,
Göz yaşıyla dolu buludum sənin.
İstəyim, gümanım, ümidim sənin,
Görən arzularsan daha nə, gülüm.

Yolunda min bir cür riskə getmişəm,
Sanırdım arzuya, kama yetmişəm.
Bütün istəyinə əməl etmişəm,
Yox daha əlində bəhanə, gülüm.

Nə vaxt əsirgədim səndən qayğımı,
Heç seçə bilmədin könül duyğumu.
Gecələr qaçırtdın gözdən uyğumu,
Yerişi, duruşu şahanə gülüm.