Qerib gedirim Şiiri - Sevinc Arzulu

Gülüm.güclü əsir hicran küləyi,
Həsrətə sinəni gərib gedirəm.
Yaman uzaq düşdü vüsal mələyi,
Onunçun aı güllər sərib gedirəm.

Kədərdən qaralar bəyaz tülümüz,
Bir də alışmaz ki ,soyuq külümüz.
De,nədən açmadı murad gülümüz,
Qəm bağından çiçək dərib gedirəm.

Əğyarın gözləri heç nəm olmadı,
Sevinc fərəh ilə heç cəm olmadı.
Bir kimsə qəmimə həmdəm olmadı,
Qəriban gəlmişəm,qərib gedirəm.