Qayıdacaq Şiiri - Sevinc Arzulu

Bizə düşmən olubdur
Bu dünyanın yarısı.
Sanma yaşa dolubdur,
Küpəgirən qarısı.

Əlində süpürgəsi,
Izimizi süpürür.
Namərdliyin kölgəsi,
It tək gecələr hürür.

Ağacların üstündə,
Tək-tək meyvələr vardır.
Payızda dağ büstündə,
Görünən bəyaz qardır.

O qarın soyuqluğu,
Yaman üşüdür məni.
Dünyada tək varlığım,
Deyən eşidir məni.

Eşitsə qayıdacaq,
Tənha qoymaz ki məni.
Yuxudan oyadacaq
Öpər telimdə dəni...