Ne sen, ne men Şiiri - Sevinc Arzulu

Nifrətdən yer qazıb,göy deşəndə mən,
Ayrılıq zalımla döyüşəndə mən,
Yenidən ümidlə görüşəndə mən,
Həsrətin talağın verəcəm həmən.

Istəyim cücərib toxumlaşanda,
Hisslərim sel olub axınlaşanda,
Xəyalım ruhuna yaxınlaşanda,.
Odamız olacaq yaşıl çöl-çəmən.

Vüsalın başıma şabaş töksə də,
Qarşımda baş əyib yerə çöksə də.
Məhəbbət “beşulduz” otel tiksə də,
Nə sən olacaqsan sakini,nə mən.