Min aldanış Şiiri - Sevinc Arzulu

Sənsiz şırşır bulaqlar,
Daha coşub çağlamır.
Yaxın deyil uzaqlar,
Ürək dərddən ağlamır?.

Bu qorxulu əhvalatlar.
Bu qaranlıq guşələr.
Ayrılıqdan qorxub çatlar,
Parıldayan şüşələr.

Ay işığı həmdəm olmur,
Göz yaşıma, əzizim.
Xoşbəxtliyim hər dəm olmur,
Özbaşına, əzizim.

Ciddiyətə almır bəzən,
Məni yaxın dost-tanış.
Xoş xəyala dalmır bəzən,
Ruhumda min aldanış.

Bu ömürdü, gəlib keçər
Bircə göz qırpımında.
Ürəyimi dəlib keçər,
Həyatdan qırılım da...