Mehebbet nağılı Şiiri - Sevinc Arzulu

Yamanlığı götürmə gəl.
Yaxşılığı itirmə gəl.
Alma ilə bitirmə gəl,
Bu məhəbbət nağılını.

Nədir səndən öyrəndiyim,
Ayrılıqdır iyrəndiyim.
Tək yarımdır güvəndiyim,
Yarəb, alma ağılını.

Apardı amansız azar,
Qismət oldu soyuq məzar.
Yüngülündən Tanrı bezar.
Hardan tapım ağırını.

Hər işinə yarayırdım,
Tellərini darayırdım.
Güclü bir dost arayırdım,
Tapmısanmış fağırını.

Ləpirini heç silməyir,
Əvvəlin-sonun bilməyir.
Əlindən bir iş gəlməyir,
Neynəyirəm sağırını.