Kutb-i Erbab Şiiri - Urfalı Mehmed Şevket

Kutb-i erbab-i velâyet şem’-i bezm-i evliyâ
Şâh-bâz-ı mülk-i izzet ser-firâz-i asfiyâ
Sâlih-i râh-ı hidayet menba’-ı nûr-ı Hudâ
El-meded yâ Gavsa’l-a’zam Şeyh Abdulkadir’â.

Merhaba ey zümre-i ehl-i tarikat serveri
Merhaba ey milket-i aşk-ı Hudâ’nın dâveri
Dû kılma dergehinden bu hakîr-i kemteri
El-meded yâ Gavsa’l-a’zam Şeyh Abdulkadir’â.

Yâ veliye’llah meded kılhaste-i hicranınım
Ağlarım şam u seher ben tâlib-i ihsanınım
Bir nazar kıl hâlime subh u mesâ sûzanınım
El-meded yâ Gavsa’l-a’zam Şeyh Abdulkadir’â.

Ey gül-i bâğ-ı velâyet nesl-i evlâd-ı Ali
Saha-i rûyundadır enva’-ı izzet münceli
Erişir düşkünlere imdad u lutfun yâ veli
El-meded yâ Gavsa’l-a’zam Şeyh Abdulkadir’â.

Şevket-i dil hastayı sen mazhar-ı ihsanın et
Lûtfedip ey Kutb-i âlem sen ana imdad yet
Vâsıl-ı feyz-i hakîkî aşk ile sûzanın et
El-meded yâ Gavsa’l-a’zam Şeyh Abdulkadir’â.