Közüm qalmayıb Şiiri - Sevinc Arzulu

Bilirsən, ayrılıq necə ağırdır,
Hicranın tufanı yeri dağıdır.
Yenə də yollara yağış yağıbdır,
Izinə sürtməyə izim qalmayıb.

Şad olan vaxtımda düşmürsən yada,
Daha hərləməyir məni qan-qada.
Kədər atlı olub, mənsə piyada.
Dərdə deyiləsi sözüm qalmayıb.

Yalanın əynində tülü də yoxdur,
Doğrunun ətirli gülü də yoxdur.
Sevgi ocağının külü də yoxdur,
Onsuz yandırmağa közüm qalmayıb.