Ayrılıq könlümü tarimar edir,
Məni öz içimdə zəlil, xar edir.
Həsrətin hələ də istismar edir,
Sanır ki əbədi köləsiyəm mən.
Ahıma olubdur hamı kar, axı
Odumun üstünə yağmır qar axı.
Mənim səndən başqa kimim var axı,
Dərdimi səninlə böləsiyəm mən.
Yaxşını ayırma, Yarəbbim, mərddən,
Uzaq et könlümü alçaq namərddən.
Elə bu əzabdan, elə bu dərddən,
Günlərin birində öləsiyəm mən.
14.05.2018
Kayıt Tarihi : 22.06.2018 07:13:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!