Kimseye Dest-güşâ Eyleme Yâ Rab Yâ Rab

Şiir Yarışması
Arpaeminizade Sami
255

ŞİİR


4

TAKİPÇİ

Kimseye Dest-güşâ Eyleme Yâ Rab Yâ Rab

Kimseye dest-güşâ eyleme yâ Rab yâ Rab
Sen ‘atâ eyle benüm matlabumı hep yâ Rab

İtmedensürme-feşân âhumı her şeb yâ Rab
Garazum rûşenî-i dîde-i kevkeb yâ Rab

Eyle rengînî-i ma’nâ ile çün keff-i hadîb
Nokta-i kilkümi zîb-i ruh-i matlab yâ Rab

Çihre-i zerdüm idüp zîver-i ser-nâme-i feyz
Nüsha-i tâli’ümi eyle müzehheb yâ Rab

Peyk-i dil her gice kat’-i reh-i eflâk eyler
Olarak erre-keş-i na’ra-i yâ Rab yâ Rab

Beni öz zâtun ile râtibe-hâr-i kerem it
Gayrıdan eyleme minnet-keş-i mekseb yâ Rab

İtme şîrâze-i ümmîdümi büksiste-i ye’s
Eyle mecmû’a-i âmâli müretteb yâ Rab

Teng ola cilvesine tâ ki fezâ-yi evhâm
Eyle Sâmîye ‘atâ vüs’at-i meşreb yâ Rab

Arpaeminizade Sami
Kayıt Tarihi : 3.6.2016 13:26:00
Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!