İslam Şiiri - Sevinc Arzulu

Sən Leylanın nəvəsisən,
Sən Nərgizin nəfəsisən.
Təranənin nəğməsisən,
Azəri-türk soyu İslam.

Telefonu çox arayar,
Siyah söyləyər qaraya.
Tellərini yan darayar,
Şirinsən gün boyu, İslam.

Nənələrin ürəyisən,
Babaların gərəyisən.
Esmiranın diləyisən,
Çətin səndən doyur, İslam.

Kömək olsun Allah-Tala,
Səni sevər Arif bala,
Dost gətirər Gülnar xalan.
Olarsız qol-boyun, İslam.

Ülüşün ilki, əzəli,
Sözləri şirin, məzəli.
Sevəcəksən bir gözəli,
Çalınacaq toyun, İslam.