İsindi payız Şiiri - Sevinc Arzulu

Sular irmaq altında,
Qara torpaq altında.
Sarı yarpaq altında,
Gizləndi, sindi payız.

Yağışın zərbəsindən,
Küləyin hərbəsinsən,
Günəşin zərrəsindən
Deyən isindi payız.

Indi bir az yaxşıyam,
Gələcəyin baxşıyam.
Ürəyimi oxşayan
Sənin səsindi payız.

Təpələri düzləyən,
Addımını izləyən,
Yollarını gözləyən
Sevən kəsindir payız.

Eh, hanı sirdaşlarım,
Dostlarım, yoldaşlarım.
Ağlatma, göz yaşlarım
Daha bəsindir, payız.