Heyatdı, heyat Şiiri - Sevinc Arzulu

Sevinc Arzulu
2940

ŞİİR


17

TAKİPÇİ

Heyatdı, heyat


Borana tuş gəldi vəslin zəmisi,
Deyəsən əğyardır qışın hamisi.
Qəlbə ruh verərdi rəngin mavisi,
Məni qaralara boyatdı həyat.

Gün batdı.al rəngi qaraca qaldı,
Gecənin soyuğu yamaca qaldı.
Vüsalın yenə də balaca qaldı
Ayrılıq anidən boy atdı, həyat.

Vüsalla məhəbbət ayrılmaz qumru,
Rənglərə rəng qatmaz həsrətin kömrü.
Kim deyir bitibdir sevginin ömrü,
Kim deyir məhəbbət boyatdı, həyat.

Yollar kəsişərdi kərvanə kimi,
Odlara yanardım pərvanə kimi.
Elə yatmış idim divanə kimi,
Məni daş yuxudan oyatdı həyat.

Saz-sözüm olmasa mən neynəyərdim,
Kədəri saqqız tək hey çeynəyərdim.
Səninlə necə də fəxr eyləyərdim,
Bir zaman ən gözəl həyatdın,həyat.

Sevinc Arzulu
Kayıt Tarihi : 25.1.2021 07:16:00
Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!