Ha yazam Şiiri - Sevinc Arzulu

Günü-gündən pisləşsə də sağlığım,
Azalmaz ki ilahiyə bağlığım.
Ayrılıqda görünməz ki ağlığım,
Qaraların arasında bəyazam.

Günəş kimi gendən baxan atəşəm,
Püskürübən dağdan axan atəşəm.
Könülləri oda yaxan atəşəm,
Nə şaxtayam,nə sazaq,nə ayazam.

Hicran gedər ayrılığın köçündə,
Görüş,vüsal hərəsi bir biçimdə.
Qurumayan gur bulaq var içimdə,
Qurtarmaz ki könül duyğum,ha yazam.