Gizlin kaş kimi Şiiri - Sevinc Arzulu

Düşün sən əzizim, soyuq baş kimi,
Ani heyrət kimi,gizlin kaş kimi.
Sən sına bilərsən yumşaq daş kimi,
Dözməzsən həsrətin gərginliyinə.

Bəzən ayağının üstdə durarsan,
Xarın ayağına daş da vurarsan.
Bir anda neçə cür plan qurarsan.
Heyranam duyğunun zənginliyinə.

Masmavi buludlar “gəl”- deyər sənə,
Qorxarsan görənlər nə deyər sənə.
Sevdiyin bir gözəl “hə” deyər sənə,
Qalxarsan göylərin ənginliyinə.