Gedek Şiiri - Sevinc Arzulu

Dağsan, çəkilməyir eşmən,
Quruyubdur soyuq çeşmən.
Dörd yanımız qarı düşmən,
Eşitməyək qarğış, gedək.

Bir yaş gələr yaşımıza,
Xına çəkər daşımıza.
Göy səmadan başımıza,
Tökülsün min alqış, gedək.

Qış nağılı ömrümüzə,
Xoşbəxt çağlı ömrümüzə.
Qara -ağlı ömrümüzə,
Çəkilsin al naxış, gedək.

Qəm yolunda veyilsən sən,
Ayrılığa meyilsən sən.
Bir damlalıq deyilsən sən,
Min damlaya sığış, gedək.

Duymadılar dərdrimizi,
Soldurdular bədrimizi.
Bilmədilər qədrimizi,
Dur həyatım, yığış gedək.