Gece yuxusu Şiiri - Sevinc Arzulu

Hey çağırır göy çəmənlər,
Günəşdən işıq əmənlər.
Dörd tərəfim yasəmənlər,
Ah, gəlir necə qoxusu.

Vüsal quzu kimi mələr,
Səsi-küyü könül dələr.
Düşmənlər üz-üzə gələr,
Qatılar öcə çoxusu.

Bu nə adət, bu nə törən,
Yoxmu güldən çələg hörən.
Nədən hazırlanıb görən,
Incədən incə duxusu.

Qaranlığı yarıb gedər,
Ulduzları sarıb gedər.
Yavaş-yavaş varıb gedər,
Gündüzün gecə yuxusu.

Gözü önər ayrılığın,
Közü sönər ayrılığın.
Üzü dönər ayrılığın,
Gəlməz ki vecə qorxusu.