Gazel Şiiri - Şair İlhâmî

Rûz u şeb dîdelerim derdin ile kan ağlar
Vâkıf olan benim esrârıma ol ân ağlar

Dâğ-ı sînem göricek hûn ile âlûde benim
Rahm edip hâlime ezhâr-ı gülistân ağlar

Yine rahm eylemez aslâ bana ol âfet-i cân
Böyle bîmâr görüp hâlime yârân ağlar

Gördü derd-i dil-i zârımı da rahm etdi tabîb
Dedi ey haste-i hicrân sana dermân ağlar

Rûyına derd ile bakdıkça seni İlhâmî
Gerçi handân olur ammâ cigeri kan ağlar