Qarabağ hesreti sovuşdu, oğul

Şiir Yarışması
Sevinc Arzulu
2972

ŞİİR


20

TAKİPÇİ

Qarabağ hesreti sovuşdu, oğul

Vətən tarixindən yaddaşın vardı.
Neçə dostun vardı, yoldaşın vardı.
Hələ cavan idin, nə yaşın vardı,
Haqqın rəhmətinə qovuşdun, oğul.

Sən getdin, pozuldu evin növrağı,
Ucaya qaldırdın al rəng bayrağı.
Ana tək sevirdin qara torpağı,
Əbədi məskənə yovuşdun, oğul.

Atasız böyüdün, ananı sevdin,
Sənə cani-dildən yananı sevdin.
Arxası, dayağı sananı sevdin,
Son dəfə de, necə görüşdün, oğul.

Bacın oğlu səndən sonra doğuldu,
Adını yaşadan körpə noğuldu.
Düşmən öz qanında batdı, boğuldu,
Talışda sonadək döyüşdün, oğul.

Duanı oxuyur mələklər belə,
Ruhunu oxşayır küləklər belə.
Əyilib dərdiyim çüçəklər belə,
Səni arzulayıb soruşdu, oğul.

Müqəddəs arzuna çatdınmı, Fəxri,
Düşmənə gülləllələr atdınmı, Fəxri.
Məzarda rahatca yatdınmı, Fəxri,
Qarabağ həsrəti sovuşdu,oğul.

Sevinc Arzulu
Kayıt Tarihi : 6.4.2021 11:45:00
Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!