Eyleyecem Şiiri - Sevinc Arzulu

Səninlə xoş gülüb,şirin danışıb,
Dilimi bal kimi qənd eyləyəcəm.
Mən yığıb başıma dostu,tanışı,
Bu kiçik obanı kənd eyləyəcəm.

Sevirəm dumanı,çəni,əzizim.
Saçında gördüyüm dəni,əzizim.
Bilirsən,axırda səni,əzizim,
Döndərib özümə bənd eyləyəcəm.

Mən səni uzaqdan edirəm seyr,
Əzrail fələkdən gözləmə xeyr.
Şəninə yazacam təzə bir şeir,
Qəlbini almaqçun fənd eyləyəcəm.